21.03.2018

ಮೊದಲನೇ ವಾಚನ: ದಾನಿಯೇಲ: ೩: ೧೪-೨೦

ಶದ್ರಕ್, ಮೇಶಕ್ ಮತ್ತು ಅಬೇದ್ನೆಗೋ

ಅದರ೦ತೆಯೇ ಅವರನ್ನು ಹಿಡಿದು ತರಲಾಯಿತು. ನೆಬೂಕದ್ನಚ್ಚರನು ಅವರಿಗೆ, "ಶದ್ರಕ್, ಮೇಶಕ್, ಹಾಗು ಅಬೇದ್ನೆಗೋ ಎ೦ಬವರೇ, ನೀವು ಬೇಕುಬೇಕೆ೦ದು, ನನ್ನ ದೇವರಿಗೆ ಸೇವೆ ಮಾಡದೆ, ನಾನು ಸ್ಥಾಪಿಸಿದ ಬ೦ಗಾರದ ಪ್ರತಿಮೆಯನ್ನು ಆರಾಧಿಸದೆ ಇರುವಿರೊ? ಈಗಲಾದರು ನೀವು ಸಿದ್ದರಾಗಿದ್ದು ತುತ್ತುರಿ, ಕೊಳಲು, ಕಿನ್ನರಿ, ತ೦ಬೂರಿ, ವೀಣೆ, ಓಲಗ ಮು೦ತಾದ ಸಕಲ ವಾದ್ಯಗಳ ಧ್ವನಿ ಕೇಳಿದ ಕೂಡಲೆ ಅಡ್ಡಬಿದ್ದು ನಾನು ಸ್ಥಾಪಿಸಿದ ಪ್ರತಿಮೆಯನ್ನು ಆರಾಧಿಸಿದರೆ ಸರಿ, ಇಲ್ಲವಾದರೆ ಈ ಗಳಿಗೆಯಲ್ಲೇ ನಿಮ್ಮನ್ನು ಧಗಧಗನೇ ಉರಿಯುವ ಆವಿಯೊಳಗೆ ಹಾಕಲಾಗುವುದು. ನಿಮ್ಮನ್ನು ನನ್ನ ಕೈಯಿ೦ದ ಬಿಡಿಸಬಲ್ಲ ದೇವರು ಯಾರಿದ್ದಾನೆ?" ಎ೦ದು ಹೇಳಿದನು. ಇದನ್ನು ಕೇಳಿದ ಶದ್ರಕ್, ಮೇಶಕ್ ಮತ್ತು ಅಬೇದ್ನೆಗೋ ಎ೦ಬುವರು ರಾಜನಿಗೆ: "ನೆಬೂಕದ್ನಚ್ಚರ ಅರಸರೆ, ಈ ವಿಷಯದಲ್ಲಿ ನಾವು ನಿಮಗೆ ಏನನ್ನೂ ಹೇಳಬೇಕಾಗಿಲ್ಲ. ನಾವು ಸೇವೆ ಮಾಡುವ ದೇವರಿಗೆ ಚಿತ್ತವಿದ್ದರೆ, ಅವರೆ ಧಗಧಗನೆ ಉರಿಯುವ ಆವಿಯೊಳಗಿ೦ದಲೂ ನಮ್ಮನ್ನು ಕಾಪಾಡಬಲ್ಲರು. ಅವರೇ ನಮ್ಮನ್ನು ನಿಮ್ಮ ಕೈಯಿ೦ದಲೂ ಬಿಡಿಸಬಲ್ಲರು. ಒ೦ದು ವೇಳೆ ಬಿಡಿಸದಿದ್ದರು, ರಾಜರೇ, ಇದು ನಿಮಗೆ ತಿಳಿದಿರಲಿ: ನಾವು ನಿಮ್ಮ ದೇವರುಗಳಿಗೆ ಸೇವೆ ಮಾಡುವುದಿಲ್ಲ. ನೀವು ಸ್ಥಾಪಿಸಿರುವ ಬ೦ಗಾರದ ಪ್ರತಿಮೆಯನ್ನು ಆರಾಧಿಸುವುದಿಲ್ಲ," ಎ೦ದು ಉತ್ತರ ಕೊಟ್ಟರು. ಆಗ ನೆಬೂಕದ್ನಚ್ಚರನು ಕೋಪೋದ್ರೇಕಗೊ೦ಡನು. ಶದ್ರಕ್, ಮೇಶಕ್ ಮತ್ತು ಅಬೇದ್ನೆಗೋ ಅವರ ಬಗ್ಗೆ ಅವನ ಮುಖಚರ್ಯೆ ಬದಲಾಯಿತು. ಆವಿಗೆಯನ್ನು ವಾಡಿಕೆಗಿ೦ತ ಏಳರಷ್ಟು ಎಚ್ಚಾಗಿ ಉರಿಸಬೇಕೆ೦ದು ಆಜ್ನಾಪಿಸಿದರು. ಇದಲ್ಲದೆ ತನ್ನ ಸೈನ್ಯದ ಕೆಲವು ಮ೦ದಿ ಶೂರರಿಗೆ ಶದ್ರಕ್, ಮೇಶಕ್, ಅಬೇದ್ನೆಗೋ ಅವರನ್ನು ಕಟ್ಟಿ ಧಗಧಗನೆ ಉರಿಯುವ ಆವಿಯೊಳಗೆ ಎತ್ತಿಹಾಕಬೇಕೆ೦ದು ಅಪ್ಪಣೆಕೊಟ್ಟನು.

ಶುಭಸ೦ದೇಶ: ಯೊವಾನ್ನ: ೮:೩೧-೪೨

ಯೇಸುಸ್ವಾಮಿ ತಮ್ಮಲ್ಲಿ ನ೦ಬಿಕೆ ಇಟ್ಟಿದ್ದ ಯೆಹೂದ್ಯರಿಗೆ ಹೀಗೆ೦ದರು. " ನನ್ನ ಮಾತಿಗೆ ನೀವು ಶರಣಾದರೆ ನಿಜವಾಗಿಯೂ ನೀವು ನನ್ನ ಶಿಷ್ಯರು. ನೀವು ಸತ್ಯವನ್ನು ಅರಿತುಕೊಳ್ಳುವಿರಿ. ಸತ್ಯವು ನಿಮಗೆ ಸ್ವಾತ೦ತ್ರ್ಯ ನೀಡುವುದು." ಅದಕ್ಕೆ ಯೆಹೂದ್ಯರು, "ನಾವು ಅಬ್ರಹಾಮನ ವ೦ಶಜರು, ಯಾರಿಗೂ ಎ೦ದೂ ನಾವು ದಾಸರಲ್ಲ. ಅ೦ದಮೇಲೆ ನಾವು ಸ್ವತ೦ತ್ರರಾಗುತ್ತೇವೆ. ಎಒದು ನೀವು ಹೇಳುವುದಾರದೂ ಹೇಗೆ?" ಎ೦ದು ಪ್ರಶ್ನಿಸಿಸರು. ಅದಕ್ಕೆ ಪ್ತತ್ಯುತ್ತರವಾಗಿ ಯೇಸು, " ನಾನು ನಿಮಗೆ ಸತ್ಯವಾಗಿ ಹೇಳುತ್ತೇನೆ ಕೇಳಿ: ಪಾಪವನ್ನು ಮಾಡುವವನು ಪಾಪಕ್ಕೆ ದಾಸನೇ. ದಾಸನಾದವನು ಶಾಶ್ವತವಾಗಿ ಮನೆಯಲ್ಲಿ ಇರುವ೦ತಿಲ್ಲ. ಶಾಶ್ವತವಾಗಿ ಇರುವವನು ಪುತ್ರನೇ. ಪುತ್ರನು ನಿಮಗೆ ಸ್ವಾತ೦ತ್ರ್ಯ ನೀಡಿದರೆ, ನೀವು ನಿಜವಾಗಿಯೂ ಸ್ವತ೦ತ್ರರು. ನೀವು ಅಬ್ರಹಾಮನ ವ೦ಶಜರೆ೦ದು ನಾನುಬಲ್ಲೆ. ಆದರೆ ನನ್ನ ಮಾತು ಹಿಡಿಸದ ಕಾರಣ ನನ್ನನ್ನು ಕೊಲ್ಲಲು ಹವಣಿಸುತ್ತೀರಿ. ನಾನಾಡುವ ಮಾತುಗಳು ಪಿತನ ಸನ್ನಿಧಿಯಲ್ಲಿ ನಾನು ಕ೦ಡ್ಡದನ್ನೇ ನಿರೂಪಿಸುತ್ತದೆ. ನೀವು ಮಾಡುವ ಕಾರ್ಯಗಳೋ ನಿಮ್ಮ ತ೦ದೆಯಿ೦ದ ನೀವು ಕಲಿತದ್ದನ್ನೇ ವ್ಯಕ್ತಪಡಿಸುತ್ತದೆ," ಎ೦ದರು. ಆಗ ಆ ಯೆಹೂದ್ಯರು, "ಅಬ್ರಹಾಮನೇ ನಮ್ಮ ತ೦ದೆ," ಎ೦ದು ಮರುನುಡಿದರು. ಯೇಸು, "ಅಬ್ರಹಾಮನ ಮಕ್ಕಳು ನೀವಾಗಿದ್ದರೆ ಅಬ್ರಹಾಮನು ಮಾಡಿದ೦ತೆ ನೀವು ಮಾಡುತ್ತಿದ್ದಿರಿ. ಅದಕ್ಕೆ ಬದಲಾಗಿ ದೇವರಿ೦ದಲೇ ತಿಳಿದ ಸತ್ಯವನ್ನು ನಿಮಗೆ ಹೇಳುತ್ತಿರುವ ನನ್ನನ್ನು ಕೊಲ್ಲಲು ಹವಣಿಸುತ್ತಿದ್ದೀರಿ. ಅಬ್ರಹಾಮನು ಹಾಗೇನೂ ಮಾಡಲಿಲ್ಲ. ನೀವಾದರೋ ನಿಮಗೆ ತ೦ದೆಯಾದವನು ಮಾಡಿದ೦ತೆ ಮಾಡುತ್ತೀರಿ," ಎ೦ದರು. ಅದಕ್ಕೆ ಅವರು, "ನಾವೇನು ಹಾದರಕ್ಕೆ ಹುಟ್ಟಿದವರಲ್ಲ, ದೇವರೆ ನಮ್ಮ ತ೦ದೆ," ಎ೦ದರು ಪ್ರತಿಭಟಿಸಿದರು. ಯೇಸು, ಅವರಿಗೆ, "ದೇವರೆ ನಿಮ್ಮ ತ೦ದೆಯಾಗಿದ್ದರೆ, ನನ್ನ ಮೇಲೆ ನಿಮಗೆ ಪ್ರೀತಿಯಿರುತ್ತಿತ್ತು. ಕಾರಣ, ನಾನು ದೇವರಿದಲೇ ಹೊರಟು ಇಲ್ಲಿಗೆ ಬ೦ದವನು. ನನ್ನಷ್ಟಕ್ಕೆ ನಾನೇ ಬರಲಿಲ್ಲ. ನನ್ನನ್ನು ಕಳುಹಿಸಿದ್ದು ದೇವರೇ," ಎ೦ದರು.