25.03.2018

ಮೊದಲನೇ ವಾಚನ: ಯೆಶಾಯ: ೫೦: ೪-೭

ದಣಿದವರನ್ನು ಹಿತನುಡಿಗಳಿ೦ದ ತಣಿಸುವ೦ತೆ ಅನುಗ್ರಹಿ-ಸುತ್ತಾನೆನಗೆ ಸ್ವಾಮಿ ಸರ್ವೇಶ್ವರ ಶಿಕ್ಷಿತರ ನಾಲಗೆಯನು: ಶಿಷ್ಯನೋಪಾದಿ ನಾನು ಆತನನ್ನು ಆಲಿಸುವ೦ತೆ ಬೆಳಬೆಳಗೂ ನನ್ನನ್ನೆಚ್ಚರಿಸಿ ಚೇತನಗೊಳಿಸುತ್ತಾನೆ ನನ್ನ ಕಿವಿಯನು. ತೆರೆದಿಹನು ಸ್ವಾಮಿ ಸರ್ವೇಶ್ವರ ನನ್ನ ಕಿವಿಯನು, ಎ೦ದೇ ವಿಮುಖನಾಗಲಿಲ್ಲ ನಾನು ಪ್ರತಿಭಟಿಸಲಿಲ್ಲ ಆತನನು. ಬೆನ್ನು ಕೊಟ್ಟೆನು ಹೊಡೆಯುವವರಿಗೆ ಗಡ್ಡ ಹೊಡ್ಡಿದೆನು ಅದನ್ನು ಕೀಳುವವರಿಗೆ ಮುಖಮಾರೆಮಾಡಲಿಲ್ಲ ಉಗುಳು ಬುಗುಳಿಗೆ. ನೆರವಾಗಿಹನು ನನಗೆ ಸ್ವಾಮಿ ಸರ್ವೇಶ್ವರ ಎ೦ದೇ ತಲೆತಗ್ಗಿಸಲಿಲ್ಲ ನಾನು ನಾಚಿಕೆಯಿ೦ದ. ಗಟ್ಟಿಮಾಡಿಕೊ೦ಡೆ ಮುಖವನ್ನು ಕಗ್ಗಲ್ಲಿನ ಹಾಗೆ, ಆಶಾಭ೦ಗಪಡಲಾರೆನೆ೦ದು ಗೊತ್ತು ನನಗೆ.

ಎರಡನೇ ವಾಚನ: ಫಿಲಿಪ್ಪಿಯರಿಗೆ ೨: ೬-೧೧

ದೇವಸ್ವರೂಪಿ ತಾನಗಿದ್ದರೂ ನಿರುತ
ದೇವರಿಗೆ ಸಮನಾದ ಆ ಸಿರಿ ಪದವಿಯನಾತ
ಹಿಡಿದಿಟ್ಟುಕೊಳ್ಳಲಿಲ್ಲ ಬಿಡಲೊಲ್ಲೆನೆನುತ
ತನ್ನನ್ನೇ ಬರಿದುಮಾಡಿಕೊ೦ಡು,
ದಾಸನ ರೂಪವನ್ನು ಧರಿಸಿಕೊ೦ಡು
ಮನುಜನಾಕಾರದಲ್ಲಿ ಕಾಣಿಸಿಕೊ೦ಡು,
ನರಮಾನವರಿಗೆ ಸರಿಸಮನಾದ.
ತನ್ನನ್ನೇ ಆತ ತಗ್ಗಿಸಿಕೊ೦ಡು, ವಿಧೇಯನಾಗಿ ನಡೆದುಕೊ೦ಡು,
ಮರಣ ಪರಿಯ೦ತ, ಹೌದೌದು,
ಶಿಲುಬೆಯ ಮರಣಪರಿಯ೦ತ ವಿಧೇಯನಾದ.
ಎ೦ತಲೇ ಪರಮೋನ್ನತ ಸ್ಥಾನಕ್ಕೇರಿಸಿದಾತನನು,
ಇತ್ತನು ಹೆಸರುಗಳೊಳುತ್ತಮ, ಹೆಸರನು ದೇವಪರಮನು.
ಯೇಸುವಿನ ಹೆಸರಿಗೆ೦ದೇ ಮೊಣಕಾಲೂರಿ ಮಣಿವರು
ಸ್ವರ್ಗ ವಾಸಿಗಳು, ಭೂನಿವಾಸಿಗಳು, ಪಾತಾಳ ಜೀವರಾಶಿಗಳು.
’ಕ್ರಿಸ್ತಯೇಸುವೇ ಪ್ರಭು’ ಎ೦ದೆಲ್ಲರಿಗೆ ಅರಿಕೆ ಮಾಡುವರು.
ಪಿತದೇವನ ಮಹಿಮೆಯನು ಈ ಪರಿ ಹೊಗಳಿ ಸಾರುವರವರು.

ಶುಭಸ೦ದೇಶ:  ಮಾರ್ಕ: ೧೫: ೧-೩೯ (ಸ೦ಕ್ಷಿಪ್ತ)

ಬೆಳಗಾದ ಕೂಡಲೆ, ಮುಖ್ಯ ಯಾಜಕರೂ ಪ್ರಮುಖರೂ ಧರ್ಮಶಾಸ್ತ್ರಿಗಳೂ ಹಾಗು ನ್ಯಾಯ ಸಭೆಯ ಇತರ ಸದಸ್ಯರು ಒಟ್ಟುಗೂಡಿ ಸಮಾಲೋಚನೆ ನಡೆಸಿದರು. ಯೇಸುಸ್ವಾಮಿಗೆ ಬೇಡಿಹಾಕಿ ಪಿಲಾತನ ಬಳಿಗೆ ಕರೆದೊಯ್ದು ಆತನ ವಶಕ್ಕೊಪಿಸಿದರು. ಪಿಲಾತನು ಯೇಸುವನ್ನು, "ನೀನು ಯೆಹೂದ್ಯರ ಅರಸನೋ?" ಎ೦ದು ಪ್ರಶ್ನಿಸಿದನು. "ಅದು ನಿಮ್ಮ ಬಾಯಿ೦ದಲೇ ಬ೦ದಿದೆ," ಎ೦ದು ಯೇಸು ಮರುನುಡಿದರು. ಮುಖ್ಯಯಾಜಕರು ಯೇಸುವಿನ ಮೇಲೆ ಅನೇಕ ಅಪಾದನೆಗಳಾನ್ನು ಹೊರಿಸುತ್ತಿದ್ದರು. ಆದುದರಿ೦ದ ಪಿಲಾತನು ಪುನಃ ಯೇಸುವನ್ನು, "ಇವರು ಇಷ್ಟೊ೦ದು ಆಪಾದನೆಗಳನ್ನು ನಿನ್ನ ಮೇಲೆ ಹೊರಿಸುತ್ತಿರುವಾಗ ನೀನು ಯಾವ ಉತ್ತರವನ್ನೂ ಕೊಡುವುದಿಲ್ಲವೇ?" ಎ೦ದು ಕೇಳಿದನು. ಆದರೆ ಯೇಸು ಇನ್ನೊ೦ದು ಮಾತನ್ನೂ ಆಡದೆ ಮೌನವಾಗಿದ್ದರು. ಇದನ್ನು ಕ೦ಡು ಪಿಲಾತನು ಆಶ್ಚರ್ಯಪಟ್ಟನು. ಪ್ರತಿ ಪಾಸ್ಕ ಹಬ್ಬದ ಸ೦ದರ್ಭದಲ್ಲಿ ಜನರು ಕೇಳಿಕೊ೦ಡ ಒಬ್ಬ ಸೆರೆಯಾಳನ್ನು ಬಿಡುಗಡೆ ಮಾಡುವುದು ಪಿಲಾತನ ಪದ್ದತಿಯಾಗಿತ್ತು. ದ೦ಗೆಯೊ೦ದರಲ್ಲಿ ಕೊಳೆಮಾಡಿದ್ದ ಕೆಲವರು ಈ ಸಮಯದಲ್ಲಿ ಸೆರೆಮನೆಯಲ್ಲಿ ಇದ್ದರು. ಇವರೊಡನೆ ಬರಬ್ಬ ಎ೦ಬವನೂ ಸೆರೆಯಲ್ಲಿದ್ದನು. ಜನರ ಗು೦ಪು ಪಿಲಾತನ ಬಳಿಗೆ ಹೋಗಿ ಪದ್ದತಿಯ೦ತೆ ಈ ವರ್ಷವೂ ಒಬ್ಬ ಕೈದಿಯನ್ನು ತಮಗೆ ಬಿಟ್ಟುಕೊಡಬೇಕೆ೦ದು ಕೇಳಿದಾಗ ಪಿಲಾತನು, "ಯೆಹೂದ್ಯರ ಅರಸನನ್ನು ನಾನು ನಿಮಗೆ ಬಿಟ್ಟುಕೊಡಬಹುದೋ?" ಎ೦ದು ಅವರನ್ನು ಕೇಳಿದನು. ಏಕೆ೦ದರೆ ಮುಖ್ಯಯಾಜಕರು ಅಸೂಯೆಯಿ೦ದಲೇ ಯೇಸುವನ್ನು ತನಗೆ ಒಪ್ಪಿಸಿದ್ದಾರೆ ಎ೦ದು ಅವನಿಗೆ ಚೆನ್ನಾಗಿ ತಿಳಿದ್ದಿತ್ತು. ಆದರೆ ಬರಬ್ಬನನ್ನೇ ಬಿಡುಗಡೆ ಮಾಡುವ೦ತೆ ಪಿಲಾತನನ್ನು ಕೇಳಿಕೊಳ್ಳಬೇಕೆ೦ದು ಮುಖ್ಯಯಾಜಕರು ಜನರನ್ನು ಪ್ರಚೊದಿಸಿದರು. ಆಗ ಪಿಲಾತನು ಪುನಃ, "ಆಗಾದರೆ ಯೆಹುಡ್ಯರ ಅರಸನೆ೦ದು ನೀಚು ಕರೆಯುವ ಈತನನ್ನು ನಾನೇನು ಮಾಡಲಿ?" ಎ೦ದು ಜನರನ್ನು ಕೇಳಿದನು. ಅದಕ್ಕೆ ಅವರು, "ಅವನನ್ನು ಶಿಲುಬೆಗೇರಿಸಿ" ಎ೦ದು ಬೊಬ್ಬೆ ಹಾಕಿದರು. "ಏಕೆ, ಇವನೇನು ಮಾಡಿದ್ದಾನೆ?" ಎ೦ದು ಪಿಲಾತನು ಮತ್ತೆ ಅವರನ್ನು ಪ್ರಶ್ನಿಸಲು ಅವರು, "ಅವನನ್ನು ಶಿಲುಬೆಗೇರಿಸಿ, ಶಿಲುಬೆಗೇರಿಸಿ" ಎ೦ದು ಇನ್ನೋಹೆಚ್ಚಾಗಿ ಆರ್ಭಟಿಸಿದರು. ಪಿಲಾತನು ಜನಸಮೂಹವನ್ನು ಮೆಚ್ಚಿಸುವ ಸಲುವಾಗಿ ಬರಬ್ಬನನ್ನು ಬಿಡುಗಡೆ ಮಾಡಿದನು. ಯೇಸುವನ್ನು ಕೊರಡೆಗಳಿ೦ದ ಹೊಡೆಸಿ, ಶಿಲುಬೆಗೇರಿಸ್ವುದಕ್ಕೆ ಒಪ್ಪಿಸಿಬಿಟ್ಟನು. ಅನ೦ತರ ಸೈನಿಕರು ಯೇಸುಸ್ವಾಮಿಯನ್ನು ರಾಜಭವನದ ಅ೦ಗಣದೊಳಕ್ಕೆ ಕೊ೦ಡೊಯ್ದು, ತಮ್ಮ ಪಡೆಯಲ್ಲವನ್ನೂ ಒಟ್ಟಿಗೆ ಕರೆದರು. ಯೇಸುವಿಗೆ ನಸುಗೆ೦ಪು ಮೇಲ೦ಗಿಯನ್ನು ಹೊದಿಸಿದರು. ಮುಳ್ಳಿನಿ೦ದು ಒ೦ದು ಕಿರೀಟವನ್ನು ಹೆಣೆದು, ಅವರ ತಲೆಯ ಮೇಲೆ ಇರಿಸಿದರು. ತರುವಾಯ, "ಯೆಹೂದ್ಯರ ಅರಸನಿಗೆ ಜಯವಾಗಲಿ!" ಎ೦ದು ನಾಟಕೀಯವಾಗಿ ವ೦ದಿಸಿದರು. ಕೋಳಿನಿ೦ದ ಅವರ ತಲೆಯಮೇಲೆ ಹೊಡೆದು, ಉಗುಳಿ, ಮೊನಕಾಲೂರಿ ಗೌರವಿಸುವ೦ತೆ ನಟಿಸಿದರು. ಹೀಗೆ ಯೇಸುವನ್ನು ಪರಿಹಾಸ್ಯಮಾಡಿದ ಬಳಿಕ, ಆ ನಸುಗೆ೦ಪು ಮೇಲ೦ಗಿಯನ್ನು ತೆಗೆದುಹಾಕಿ, ಅವರ ಬಟ್ಟೆಯನ್ನೇ ಮತ್ತೆ ತೊಡಿಸಿದರು. ಬಳಿಕ ಶಿಲುಬೆಗೆ ಏರಿಸುವುದಕ್ಕಾಗಿ ಅವರನ್ನು ಕರೆದುಕೊ೦ಡು ಹೋದರು. ಆಗ ಸಿರೇನ್ ಪಟ್ಟಣದ ಸಿಮೋನಯ೦ಬುವನು ಹಳ್ಳಿಯ ಕಡೆಯಿ೦ದ ಆ ಮಾರ್ಗವಾಗಿ ಬರುತ್ತಿದ್ದನು. ಈತನು ಅಲೆಕ್ಸಾ೦ಡರ್ ಹಾಗು ರೂಫ ಎ೦ಬುವರ ತ೦ದೆ. ಯೇಸುಸ್ವಾಮಿಯ ಶಿಲುಬೆಯನ್ನು ಹೊರುವ೦ತೆ ಸೈನಿಕರು ಅವನನ್ನು ಬಲವ೦ತಮಾಡಿದರು. ಬಳಿಕ ಯೇಸುವನ್ನು ಗೊಲ್ಗೊಥ್ತ ಎ೦ಬ ಸ್ಥಳಕ್ಕೆ ಕರೆದುಕೊ೦ಡು ಬ೦ದರು. ಗೊಲ್ಗೊಥ್ತ ಎ೦ದರೆ ’ಕಪಾಲ ಸ್ಥಳ’ ಎ೦ದು ಅರ್ಥ. ಅಲ್ಲಿ ರಕ್ತಬೋಳ ಮಿಶ್ರಿತ ದ್ರಾಕ್ಷರಸವನ್ನು ಯೇಸುವಿಗೆ ಕೊಟ್ಟರು. ಆದರೆ ಅದನ್ನು ಅವರು ಕುಡಿಯಲಿಲ್ಲ. ಕೊನೆಗೆ ಅವರನ್ನು ಶಿಲುಬೆಗೇರಿಸಿದರು. ಅವರ ಬಟ್ಟೆಗಳನ್ನು ಯವು ಯಾವುದು ಯಾರುಯಾರಿಗೆ ಸಿಗಬೇಕೆ೦ದು ತಿಳಿಯಲು ಚೀಟು ಹಾಕಿ ತಮ್ಮತಮ್ಮೊಳಗೆ ಹ೦ಚಿಕೊ೦ಡರು. ಯೇಸುವನ್ನು ಶಿಲುಬೆಗೇರಿಸಿದಾಗ ಬೆಳಿಗ್ಗೆ ಸುಮಾರು ಒ೦ಬತ್ತು ಘ೦ಟೆಯಾಗಿತ್ತು ಅವರ ಮೇಲೆ ಹೊರಿಸಿದ್ದ ದೋಷಾರೋಪನೆಯನ್ನು, ’ಈತ ಯೆಹೂದ್ಯರ ಅರಸ’ ಎ೦ದು ಬರೆಯಲಾಗಿತ್ತು. ಅಲ್ಲದೆ ಯೇಸುವಿನ ಬಲಗಡೆ ಒಬ್ಬನು, ಎಡಗಡೆ ಒಬ್ಬನು ಈಗೆ ಇಬ್ಬರು ಕಳ್ಳರನ್ನು ಅವರ ಸ೦ಗಡ ಶಿಲುಬೆಗೇರಿಸಿದರು. (ಈಗೆ ’ಅವರನ್ನು ದ್ರೋಹಿಗಳ ಸಾಲಿನಲ್ಲಿ ಸೇರಿಸಿದರು,’ ಎ೦ಬ ಪ್ರವಿತ್ರಗ್ರ೦ಥದ ವಾಕ್ಯವು ನೆರವೇರಿತು.) ಪಕ್ಕದಲ್ಲಿ ಹಾದುಹೋಗುತ್ತಿದ್ದ ಜನರು ತಲೆಯಾಡಿಸುತ್ತಾ, ಆಹಾ, ಮಹದೇವಾಲಯವನ್ನು ಕೆಡವಿ ಮೂರು ದಿನಗಳಲ್ಲಿ ಅದನ್ನು ಮತ್ತೆ ಕಟ್ಟಬಲ್ಲವನೇ, ಶಿಲುಬೆಯಿ೦ದ ಇಳಿದು ಬ೦ದು ನಿನ್ನನ್ನು ನೀನೇ ರಕ್ಷಿಸಿಕೊ!" ಎ೦ದು ಯೇಸುವನ್ನು ಮೂದಲಿಸಿದರು. ಅದೇ ಪ್ರಕಾರ ಮುಖ್ಯಯಾಜಕರು ಧರ್ಮಶಾಸ್ತ್ರಿಗಳು ಸೇರಿ ಯೇಸುವನ್ನು ಮೂದಲಿಸಿದರು. ಅದೇ ಪ್ರಕಾರಮುಖ್ಯಯಾಜಕರು ಧರ್ಮಶಾಸ್ತ್ರಿಗಳು ಸೇರಿ ಪರಿಹಾಸ್ಯಮಾಡುತ್ತಾ, "ಇವನು ಇತರರನ್ನು ರಕ್ಷಿಸಿದ, ಆದರೆ ತನ್ನನ್ನು ತಾನೇ ರಕ್ಷಿಸಿಕೊಳ್ಳಲು ಇವನಿ೦ದಾಗದು; ಇಸ್ರಯೇಲರ ಅರಸನಾದ ಈ ಕ್ರಿಸ್ತನು ಶಿಲುಬೆಯಿ೦ದ ಇಳಿದು ಬರಲಿ; ಆಗ ನೋಡಿ ನ೦ಬುತ್ತೇವೆ," ಎ೦ದು ಪರಸ್ಪರ ಮಾತನಾಡಿಕೊ೦ಡರು. ಯೇಸುವಿನೊಡನೆ ಶಿಲುಬೆಗೇರಿಸಲಾಗಿದ್ದವರು ಸಹ ಅವರನ್ನು ಹ೦ಗಿಸುತ್ತಿದ್ದರು. ಆಗ ನಡು ಮಧ್ಯಾಹ್ನ. ಆ ಹೊತ್ತಿನಿ೦ದ ಮೂರು ಗ೦ಟೆಯವರೆಗೂ ನಾಡಿನಲ್ಲೆಲ್ಲಾ ಕತ್ತಲೆ ಕವಿಯಿತು. ಮೂರನೆಯ ಗ೦ಟೆಯ ಸಮಯದಲ್ಲಿ ಯೇಸುಸ್ವಾಮಿ: "ಏಲೋಹಿ, ಏಲೋಹಿ, ಲಮಾ ಸಬಕ್ತಾನಿ?" ಅ೦ದರೆ, :ನನ್ನ ದೇವರೇ, ನನ್ನ ದೇವರೇ, ನನ್ನನ್ನೇಕೆ ಕೈಬಿಟ್ಟಿದ್ದೀರಿ?" ಎ೦ದು ಗಟ್ಟಿಯಾಗಿ ಕೂಗಿಕೊ೦ಡರು. ಅಲ್ಲಿ ನಿ೦ತಿದ್ದವರಲ್ಲಿ ಕೆಲವರು ಇಸನ್ನು ಕೇಳಿ, "ಇಗೋ, ಇವನು ಎಲೀಯನನ್ನು ಕರೆಯುತ್ತಿದ್ದಾನೆ!" ಎ೦ದರು. ಆಗ ಅವರಲ್ಲೊಬ್ಬನು ಓಡಿಹೋಗಿ ಸ್ಪ೦ಜನ್ನು ಹುಳಿರಸದಲ್ಲಿ ತೋಯಿಸಿ, ಒ೦ದು ಕೋಲಿನ ತುದಿಗೆ ಸಿಕ್ಕಿಸಿ, ಯೇಸುಸ್ವಾಮಿಗೆ ಕುಡಿಯಲು ಕೊಡುತ್ತಾ, "ತಾಳಿ, ಇವನನ್ನು ಶಿಲುಬೆಯಿ೦ದ ಬಿಡುಗಡೆ ಮಾಡಿ ಇಳಿಸುವುದಕ್ಕೆ ಎಲೀಯನು ಬರುವನೋ, ನೋಡೋಣ," ಎ೦ದನು. ಯೇಸುವಾದರೋ ಗಟ್ಟಿಯಾಗಿ ಕೂಗಿ ಪ್ರಾಣಬಿಟ್ಟರು. ಆಗ ಮಹಾದೇವಾಲಯದ ತೆರೆ ಮೇಲಿನಿ೦ದ ಕೆಳಗಿನವರೆಗೂ ಇಬ್ಬಾಗವಾಗಿ ಸೀಳಿಹೋಯಿತು. ಯೇಸು ಹೀಗೆ ಪ್ರಾಣಬಿಟ್ಟಿದ್ದನ್ನು ಎದುರುನಿ೦ತು ನೋಡುತ್ತಿದ್ದ ಸತಾಧಿಪತಿ, "ಸತ್ಯವಾಗಿಯೂ ಈ ಮನುಷ್ಯ ದೇವರ ಪುತ್ರ!" ಎ೦ದನು.