ಮೊದಲನೇ ವಾಚನ: ದಾನಿಯೇಲ 9:4-10
ಕೀರ್ತನೆ: 79:8, 9,, 11, 13
ಶ್ಲೋಕ: ಪ್ರಭೂ, ನಮ್ಮ ಪಾಪಗಳಿಗೆ ತಕ್ಕಂತೆ ನಮ್ಮನ್ನು ದಂಡಿಸದಿರಿ
ಶಭಸಂದೇಶ: ಲೂಕ 6:36-38
ಯೇಸುಸ್ವಾಮಿ ತಮ್ಮ ಶಿಷ್ಯರಿಗೆ ಹೀಗೆಂದರು: "ನಿಮ್ಮ ತಂದೆಯಾದ ದೇವರಂತೆ ನೀವೂ ದಯಾವಂತರಾಗಿರಿ. "ನೀವು ಇತರರ ಬಗ್ಗೆ ತೀರ್ಪುಕೊಡಬೇಡಿ, ಆಗ ದೇವರು ನಿಮ್ಮ ಬಗ್ಗೆ ತೀರ್ಪು ಕೊಡುವುದಿಲ್ಲ; ಪರರನ್ನು ದಂಡನೆಗೆ ಗುರಿ ಮಾಡಬೇಡಿ, ದೇವರು ನಿಮ್ಮನ್ನೂ ದಂಡನೆಗೆ ಗುರಿ ಮಾಡುವುದಿಲ್ಲ. ಪರರನ್ನು ಕ್ಷಮಿಸಿರಿ, ದೇವರು ನಿಮ್ಮನ್ನೂ ಕ್ಷಮಿಸುವರು; ಪರರಿಗೆ ಕೊಡಿ, ದೇವರು ನಿಮಗೂ ಕೊಡುವರು; ಅಳತೆಯಲ್ಲಿ ತುಂಬಿ, ಕುಲುಕಿ, ಅದುಮಿ ತುಳುಕುವಂತೆ ಅಳೆದು ನಿಮ್ಮ ಮಡಿಲಿಗೆ ಹಾಕುವರು. ನೀವು ಕೊಟ್ಟ ಅಳತೆಯಲ್ಲೇ ದೇವರು ನಿಮಗೂ ಅಳೆದು ಕೊಡುವರು,” ಎಂದರು.
ಮನಸ್ಸಿಗೊಂದಿಷ್ಟು : "ಯಾರನೂ ಕೀಳಾಗಿ ನೋಡದಿರಿ, ತೀರ್ಪು ನೀಡದಿರಿ , ದೇವರೊಬ್ಬರೇ ಆ ಎತ್ತರದಲ್ಲಿರುವವರು. ಅವರೇ ದಯಾವಂತರಾದ ಮೇಲೆ ನಾವೇಕೆ ತೀರ್ಪು ಕೊಡಬೇಕು" ಎನ್ನುತ್ತಾರೆ ಚಿಂತಕರೊಬ್ಬರು. "'ನಿನ್ನೊಳಗೇ ' ಎಚ್ಚರಗೊಂಡು ಎದ್ದಿರುವಾಗ, ಮಲಗಿರುವವರ ಬಗ್ಗೆ ನೀ ತೀರ್ಪು ಕೊಡಲಾರೆ" ಎನ್ನುವುದು ಮತ್ತೊಂದು ಮಾತು. ದಯಾವಂತರಾಗೋಣ.
ಪ್ರಶ್ನೆ : ನಾನಿದುವರೆಗೂ ಮಾಡಿರುವ ದೂಷಣೆಗಳೆಷ್ಟು, ತೀರ್ಪಿಗೆ ತೆರೆದುಕೊಂಡದೆಷ್ಟು?
ಪ್ರಭುವೇ,
ಲೆಕ್ಕವಿರಿಸಿಲ್ಲ ನಾ
ನೀ ನನಗೆ ತೋರುತ್ತಲೇ
ಬಂದಿರುವ ದಯೆಗೆ
ಉಳಿದ ಹೋಗಿದೆ
ನನ್ನಲ್ಲೇ ನೀನಿತ್ತ
ಕ್ಷಮೆಯ ರಾಶಿ
ಮತ್ತೊಬ್ಬರಿಗೆ
ಕೊಡಲಾರದೆ
-ಚಿತ್ತ
No comments:
Post a Comment