ಮೊದಲನೆಯ ವಾಚನ : ಧರ್ಮೋಪದೇಶಕಾಂಡ 30 :15-20
ಶುಭಸಂದೇಶ : ಲೂಕ 9 : 22-25
“ನರಪುತ್ರನು ಕಠಿಣವಾದ ಯಾತನೆಯನ್ನು ಅನುಭವಿಸಬೇಕಾಗಿದೆ. ಸಭಾಪ್ರಮುಖರಿಂದಲೂ ಮುಖ್ಯಯಾಜಕರಿಂದಲೂ ಧರ್ಮಶಾಸ್ತ್ರಿಗಳಿಂದಲೂ ಆತನು ತಿರಸ್ಕೃತನಾಗಿ ಕೊಲ್ಲಲ್ಪಡುವನು. ಆದರೆ ಮೂರನೇ ದಿನ ಆತನು ಪುನರುತ್ಥಾನ ಹೊಂದುವನು," ಎಂದು ಅವರಿಗೆ ತಿಳಿಸಿದರು. ಯೇಸುಸ್ವಾಮಿ ಎಲ್ಲರನ್ನು ನೋಡಿ ಹೇಳಿದ್ದೇನೆಂದರೆ: “ಯಾರಿಗಾದರೂ ನನ್ನನ್ನು ಹಿಂಬಾಲಿಸಲು ಮನಸ್ಸಿದ್ದರೆ, ಅವನು ತನ್ನನ್ನು ತಾನೇ ಪರಿತ್ಯಜಿಸಿ, ತನ್ನ ಶಿಲುಬೆಯನ್ನು ಅನುದಿನವೂ ಹೊತ್ತುಕೊಂಡು ನನ್ನನ್ನು ಹಿಂಬಾಲಿಸಲಿ. ತನ್ನ ಪ್ರಾಣವನ್ನು ಉಳಿಸಿಕೊಳ್ಳಲು ಹಾತೊರೆಯುವವನು ಅದನ್ನು ಕಳೆದುಕೊಳ್ಳುವನು. ಆದರೆ ನನ್ನ ನಿಮಿತ್ತ ತನ್ನ ಪ್ರಾಣವನ್ನು ಕಳೆದುಕೊಳ್ಳುವವನು ಅದನ್ನು ನಿತ್ಯಕ್ಕೂ ಉಳಿಸಿಕೊಳ್ಳುವನು. ಒಬ್ಬನು ಪ್ರಪಂಚವನ್ನೆಲ್ಲಾ ಗೆದ್ದುಕೊಂಡು ತನ್ನ ಪ್ರಾಣವನ್ನೇ ಕಳೆದುಕೊಂಡರೆ ಅಥವಾ ತೆತ್ತರೆ ಅವನಿಗೆ ಅದರಿಂದ ಬರುವ ಲಾಭವಾದರೂ ಏನು?
ಮನಸ್ಸಿಗೊಂದಿಷ್ಟು : "ಕಷ್ಟವಿರುವವರು, ಕಷ್ಟವಿಲ್ಲದವರು ಎನ್ನುವುದರ ಮೇಲೆ ಜನರನ್ನು ವಿಂಗಡಿಸಲಾಗಿಲ್ಲ, ಬದಲಿಗೆ ಶಿಲುಬೆ ಹೊತ್ತವರು, ಹೊರದವರು , ಹೊರಲು ಸಿದ್ಧವಿಲ್ಲದವರು ಎಂಬುದಾಗಿ ಜನರನ್ನು ವಿಂಗಡಿಸಲಾಗಿದೆ" ಎನ್ನುತ್ತಾರೆ ಲೇಖಕ ಜೆ.ರಿಕಬೇ.
ನಮ್ಮದು ಯಾವ ವರ್ಗ? ಹೊರುತ್ತಿರುವವವರೇ? ಸಿದ್ಧರಿರುವವರೇ ಅಥವಾ ಶಿಲುಬೆ ನಮಗೆ ಬೇಡದ ಉಸಾಬರಿಯೇ? ನಾವು ಯೇಸುವಿನ ಹಿಂಬಾಲಕರೋ? ಅಲ್ಲವೋ? ಎನ್ನುವುದಕ್ಕೆ ಉತ್ತರ ಅಲ್ಲಿದೆ - ಜೀವವಾಕ್ಯ
ಪ್ರಭುವೇ , ನಿಮಗಾಗಿ ಕಳೆದುಕೊಳ್ಳುವ
ನಿತ್ಯಕ್ಕೂ ಉಳಿಸಿಕೊಳ್ಳುವ ವರವ ನೀಡು ದೇವಾ
-ಚಿತ್ತ
No comments:
Post a Comment