ಮೊದಲನೇ ವಾಚನ: ಪ್ರೇಷಿತರ ಕಾರ್ಯಕಲಾಪಗಳು 6:1-7
ಕೀರ್ತನೆ: 33:1-2, 4-5, 18-19
ಶ್ಲೋಕ: ನಮ್ಮ ಮೇಲಿರಲಿ ಪ್ರಭೂ, ನಿನ್ನಚಲ ಪ್ರೀತಿ, ಕಾದಿಹೆವು ಇದೋ ನಿನ್ನ ನಂಬಿ ಭರವಸದಿ
ಶುಭಸಂದೇಶ: ಯೊವಾನ್ನ 6:16-21
"ಯೇಸು ನೀರಿನ ಮೇಲೆ ನಡೆಯುತ್ತಾ ದೋಣಿಯನ್ನು ಸಮೀಪಿಸುತ್ತಿರುವುದು ಶಿಷ್ಯರಿಗೆ ಕಾಣಿಸಿತು." ಸಾಯಂಕಾಲವಾದ ಮೇಲೆ ಯೇಸುಸ್ವಾಮಿಯ ಶಿಷ್ಯರು ಸರೋವರಕ್ಕೆ ಹೋಗಿ ದೋಣಿಯನ್ನು ಹತ್ತಿ ಕಫೆರ್ನವುಮಿನ ಕಡೆ ಸಾಗಿದರು. ಆಗಲೇ ಕತ್ತಲು ಕವಿದಿತ್ತು. ಯೇಸು ಅವರ ಬಳಿಗೆ ಇನ್ನೂ ಬಂದಿರಲಿಲ್ಲ. ಅಷ್ಟರಲ್ಲಿ ರಭಸದಿಂದ ಗಾಳಿ ಬೀಸತೊಡಗಿತು. ಸರೋವರವು ಅಲ್ಲೋಲಕಲ್ಲೋಲವಾಯಿತು. ಐದು ಆರು ಕಿಲೋಮೀಟರಿನಷ್ಟು ಹುಟ್ಟು ಹಾಕಿರಬೇಕು. ಆಗ ಯೇಸು ನೀರಿನ ಮೇಲೆ ನಡೆಯುತ್ತಾ ದೋಣಿಯನ್ನು ಸಮೀಪಿಸುತ್ತಿರುವುದು ಶಿಷ್ಯರಿಗೆ ಕಾಣಿಸಿತು. ಅದನ್ನು ನೋಡಿ ಅವರು ಹೆದರಿದರು. ಆಗ ಯೇಸು, "ನಾನೇ, ಇನ್ಯಾರೂ ಅಲ್ಲ; ಅಂಜಬೇಡಿ," ಎಂದು ಹೇಳಿದರು. ಶಿಷ್ಯರು ಅವರನ್ನು ದೋಣಿಯೊಳಕ್ಕೆ ಬರಮಾಡಿಕೊಳ್ಳುವುದರಲ್ಲಿದ್ದರು. ಅಷ್ಟರಲ್ಲಿ, ದೋಣಿಯು ಸೇರಬೇಕಾಗಿದ್ದ ದಡವನ್ನು ತಲುಪಿತು.
ಮನಸಿಗೊಂದಿಷ್ಟು : ನಮ್ಮ ಜೀವನದ ಅಲ್ಲೋಲಕಲ್ಲೋಲದ ಸಮಯದಲ್ಲಿ ಯೇಸು ಸ್ವಾಮಿಯ ಇರುವಿಕೆಯ ಬಗೆಗಿನ ನಮ್ಮ ಪ್ರತಿಕ್ರಿಯೆ ಏನು ಎಂಬುದರ ಬಗ್ಗೆ ಯೋಚಿಸುವಂತೆ ಮಾಡುತ್ತದೆ ಇಂದಿನ ಶುಭಸಂದೇಶ. ರಭಸದ ಗಾಳಿಯ ಸಮಯದಲ್ಲಿ ಯೇಸು ದೋಣಿಯ ಬಳಿ ಬರುತ್ತಿರುವುದು ಶಿಷ್ಯರಿಗೆ ಸಮಾಧಾನ ತರಬೇಕಿತ್ತು, ಆದರೆ ಅವರು ಭಯಪಟ್ಟರು. ’ಅಂಜಬೇಡಿ’ ಎಂಬ ಮಾತಿನ ನಂತರವೇ ಅವರು ಯೇಸುವನ್ನು ಬರಮಾಡಿಕೊಂಡದ್ದು, ದಡ ಸೇರಿದ್ದು. ’ಅಂಜಬೇಡಿ’ ಎಂಬ ಮಾತಿಗೆ ನಾವು ಕಾಯದಿರೋಣ, ಯೇಸುವಿನ ಸಾಮಿಪ್ಯವಿದ್ದರೆ ಸಾಕು ನಮ್ಮ ದಡ ಹತ್ತಿರ, ಹಗುರ ಸುಗಮ.
ಪ್ರಶ್ನೆ : ನಮ್ಮ ಬಾಳ ಪಯಣದಲ್ಲಿ ಕ್ರಿಸ್ತನ ಹೆಜ್ಜೆಗಳಿಗೆ ನಾವೆಷ್ಟು ಹತ್ತಿರ?
No comments:
Post a Comment